Nadunor ti nagmaneho ti motorsiklo kalpasan a natukbob na ti sarsaronwen na a multicab idiay national highway sakupen ti Barangay Resurreccion, ili ti San Juan.
Ti nagmaneho ti multicab ket agtawen ti uppat a pulo ket tallo, residente ti Barangay Lira ti nadakamat nga ili.
Ti met nagmaneho ti NMAX motorcycle ket agtawen ti uppat a pulo ket tallo, residente ti Sitio Green Hills, Brgy. Elefante, Banayoyo.
Agpada nga agturong dagiti dua a lugan iti abagatan a direksion ket idi madanon da ti nakapasamakan ti insidente, ti multicab ket ginandat na nga agpa-kannigid ket dita nga aksidente a natukbob ti motorsiklo nga adda iti likudan na.
Nadunor ti nagmaneho ti motorsiklo a naipan iti balay pagagasan para ti naan-anay a pannakatamingna idinto a saan a naan-ano dagiti nakalugan iti multicab.
