Maysa ti nadangran iti panagdinnungpar ti motorsiklo ken traysikel idiay Barangay Barangobong, ili ti Santa Lucia.
Ti Suzuki GXL motorcycle ket minaneho ti agtawen ti duapulo ket uppat residente ti Barangay Batbato, ili ti Alilem.
Ti met nagmaneho ti tricycle ket agtawen ti pitopulo ket uppat, tricycle driver, adda maysa a kinalugan na, agpada a taga-Barangay Nangalisan, Sta. Lucia.
Basar iti CCTV footage, ti motorsiklo ket agturong iti abagatan a direksion idin ta kellaat a bimmalasiw ti tricycle manipud daya nga agpa-laud a direksion.
Pinadas pay a liniklikan ti motorsiklo ti traysikel ngem nagdinnungpar da latta.
Nadunor iti agduduma a paset ti bagi ti nagmaneho ti motorsiklo a naipan iti balay pagagasan para iti pannakatamingna idinto a saan a naan-ano dagiti nagkalugan iti traysikel.
