Dua ti nadangran kalpasan ti napasamak nga aksidente idiay along national highway sakupen ti Barangay II, ili ti Bantay.
Ti nagmaneho ti Honda click 125 motorcycle ket minaneho ti agtawen sangapulo ket walo, awan ti driver’s license, tubo ti San Emilio ngem agdama a residente ti Barangay Balaleng, Bantay.
Ti met pedestrian ket agtawen ti uppat a pulo ket tallo, naasawaan ken residente ti Barangay Paing iti nadakamat nga ili.
Basar iti CCTV footage, ti motorsiklo ket daldalyasaten na ti southbound idinto a ti pedestrian ket bumal-lasiw manipud daya a paset ti kalsada.
Idi madanon da ti nakapasamakan ti insidente, nadungpar ti motorsiklo ti pedestrian ket agpada da a natulid iti kalsada.
Na-fracture ti akin-kannawan a saka ken nadunor iti agduduma a paset ti bagi ti pedestrian idinto nga agalen met ti nagmaneho ti motorsiklo ti tengnged ken tumeng-na.
Agpada a naipan dagiti karaman iti insidente ti balay pagagasan para ti naan-anay a pannakatamingda.
