Nadelay ti panagsapul iti mapukpukaw a babai idiay Mexico ta ti inaramat a ladawan dagiti polis iti posters ket adayo iti pudno nga itsura ti mapukpukaw.
Napukaw ni Grecia Guadalupe Orantes Mendoza, agtawen iti tallopulo idi April 12 idiay Chiapas isu nga insayangkat ti Alba Protocol iti panagsapul ken nagiwaras dagiti polis iti poster babaen kadagiti ladawanna iti social media.
Ngem segun kadagiti tattao a makaam-ammo ken ni Mendoza, saan a karuprupa ti ladawan ti maar-aramat iti missing person poster.
Gapu iti kinaadu a filters, narigatan dagiti lokal a residente a mabigbig ni Grecia a dakkel a pannakariribok ta napateg iti kada oras iti kasta a sitwasyon.
No pay kasta ket nasarakan a sibibiag ni Grecia kalpasan iti sumagmamano nga aldaw iti highway ken manarimaanen a maim-imbestigaran iti kaso.
