Natay ti Mexican social media influencer a ni Cesar Gastelum kalpasan a napaltugan bayat nga agla-livestream kadua dagiti giyyem na iti iruar ti maysa a fast food restaurant idiay siudad ti Culiacan, Mexico.
Segun kadagiti otoridad, nabigbig ni Gastelum iti comedy videos ken adda dandani 600, 000 followers iti Tiktok.
Iti video ti livestream-na, makita nga inasitgan ida ti dua a lalaki a nakalugan ti motorsiklo nga agpada a nakasuot ti helmet.
Kalpasan ti sumagmamano a minutos, nagpaputok ti paltog ti drayber ti motorsiklo ken napuntaan ti influencer.
Nagisayangkat ti nalawa nga operasion dagiti otoridad tapno maammuan ken makemmeg dagiti responsable iti napasamak a krimen.
Napasamak ti pammaltog iti tengnga ti agtultuloy a kinaranggas iti Culiacan a nabayagen a sentro dagiti grupo nga agi-inagaw ti kobntrol iti lugar.
