Inallukoy ti Philippine National Police dagiti akin-kukua ti paltog nga agbalin a responsable iti panagaramat ken natalged a panangidulin.
Daytoy ket kasaruno ti tallo nga insidente tik pammalatog kadagiti pagadalan iti napalpalabas a bulan a nakatayan ti sumagmamano nga indibidwal pakairamanan dagiti estudyante.
Karaman kadagiti insidente ti pammaltog idiay Tacloban City, Zamboanga City ken South Cotabato, no sadino nakaala ti paltog dagiti estudyante a kukua dagiti nagannak da wenno kabagyan da nga agtartarabaho iti gobierno.
Gapu daytoy, inrusat ti PNP Civil Security Group ti nationwide “Gun Safety Advocacy Campaign” tapno itandudo ti responsible a panagtagikua, husto a panangidulin ken natalged a panangiggem ti paltog, kasta pay dagiti panangliklik iti saan nga otorisado a panagaramat kadagituy.
