Maysa ti natay idinto a dua ti nadunor kalpasan a pinaltugan ida dagiti saan pay nabigbig a suspek iti sangwanan ti Land Registry Authority idiay Barangay V, Bantay, Ilocos Sur, itay agsapa.
Dead on arrival ti agtawen-iti-limapulo ket innem a babai a biktima, residente iti San Vicente.
Nadunor met dagiti agtawen-iti-uppat a pulo ket maysa a lalaki a residente iti Vigan City ken ti maysa pay a lalaki nga agtawen iti tallopulo ket siam, residente iti Sta. Maria.
Maibasar iti imbestigasion ti Bantay Municipal Police Station, sumrek koman iti luganda nga SUV ti babai a biktima idin ta makangngeg iti putok ti paltog ti gwardya ti LRA.
Idi duktalen ti gwardya no ania ti napasamak, nakitana a nakadasay ti babai a biktima idinto a ti maysa a lalaki a biktima ket nakatugaw iti abay ti luganda.
Ti met maysa pay a lalaki a biktima ti simrek iti nasao a pasdek tapno agpaarayat.
Naglibas dagiti suspek kalpasan ti pammaltog, ken agtultuloy ti imbestigasion tapno maduktalan no asino dagiti suspek ken no ania ti motiboda.
