Indauluan da Pres. Ferdinand Marcos Jr. ken First Lady Liza Araneta-Marcos ti panangawatti Pilgrim Image ti Our Lady of Guadalupe idiay Malakanyang.
Kagiddan dayta iti panagrugi ti Philippine Pilgrimage 2026 ken pannakikaysa iti pagilian iti lubong para iti panagsagana iti maika-limagasut nga anibersaryo dagiti aparisyon ti Our Lady of Guadalupe inton 2031.
Ti imahe ket eksakto a replica ti orihinal a ladawan nga adda iti Basilica of Our Lady of Guadalupe idiay Mexico.
Iti sumaruno nga innem a bulan, maipan ti pilgrim image iti agduduma a paset iti pagilian ken bumisita iti nasurok uppat a pulo a cathedral ken dambana kas paset iti pammati.
Kalpasan ti pilgrimage, agtalinaed ti imahe iti Manila Cathedral kas permanente a pagdiyananna iti Pilipinas.
