Dua a napigsa a bagyo ti nagiddan a nagparikna iti agsumbangir a pagpatinggaan ti Pacific ocean kalpasan a dimmuprak ti Hurricane Polo iti amianan a laud ti Mexico idinto a nagbalin met a bagyon ti Hurricane Nolo a mapan idiay Hawaii.
Segun iti US National Hurricane Center (NHC), pimmigsa ti Nolo kas Hurricane idi kalman ti rabii ken manamnama a mangitunda ti 15 agingga 30 a inches rainfall ken pangta ti delikado a panaglayus iti Big Island ken Maui idiay Hawaii.
Nagirruar ti emergency proclamation ti gobernador ti Hawaii ken nangipatulod ti nasurok 230 a miembro ti National Guard kagiddan ti panangsuspenso dagiti klase ken panagsagana ti posible a brownout.
Kabayatanna, umbaot met iti category 4 nken 5 ti Hurricane Polo bayat nga agturong iti kabaybayan ti Mexico, no sadino nalayus dagiti pagtaengan ken negosio iti siudad ti Lazaro Cardenas.
