Kinarit ti Malakanyang ni Vice President Sara Duterte a tutukan ti bicameral conference committee tapno maawatanna no kasano a maanag ken madesisionan ti proposed national budget para iti 2027.
Dayta ket kasaruno ti panangibaga ni VP Sara a mabalin nga aramaten ti 2027 national budget kas bargaining chip kadagiti senador mainaig iti sangsangwenna nga impeachment.
Segun ken ni Palace Press Officer Atty. Claire Castro, nasken a mangilanad ti ebidensia ni Duterte kadagiti alegasionna imbes nga agipabasul.
Inallukoy pay ni Castro ti bise presidente a bantayan dagiti patangan iti bicam tapno maammuan no pangilatanganda ti pondo ti gobierno.
Impaganetget ti Malakanyang iti Kongreso nga adda hurisdiksion iti panangtratar iti proposed national budget ken impaganetgetna a mabalin a dumar-ay wenno tutukan ni Duterte ti proseso tapno maadal no pakailatangan ken pakaaramatan ti pondo ti pagilian.
