VIGAN CITY-Addan ti ‘person of interest’ ti PNP-Sinait iti posible nga akin-aramid ti panagtakawan idiay barangay Magsaysay, Sinait ngem saan da pay a mabalin nga ibuksilan iti publilko tapno saan a maapektaran ti imbestigasyon da.
Ti napasamak a panagtakawan ket nakabiktimaan ni Ederlina Agdeppa, agtawen ti 70 , negosyante ti lumber ken agnaed iti nasao a lugar ta naala iti uneg ti pagtaengan na ti nasurok P1 milyon a gatad ti alahas, kuarta, dwa nga electric fan ken branded a bag kas kinumpirmaran ni Police Inspector Erwin ancheta ti PNP –Sinait
Maibasar iti imbestigasyon , pinanawan ni Agdeppa iti pagtaengan da idi rabii ti Nobiembre Tres ta napan naturog iti kaaruba na nga establishimento ket idi kabigatanna, nakita ti katulong na a napursaran a nalukatan iti ruangan ti kuarto ti biktima ket awanen dagiti nasao nga alikamen.
