Nakemmeg ti maysa a construction worker iti naiwayat a search warrant idiay Barangay Mabilbila Sur, Santa, Ilocos Sur.
Ti suspek ket agtawen ti uppat a pulo ket tallo, naasawaan residente ti nadakamat a barangay.
Iti pannakiuman ti Bombo Radyo Vigan ken ni PCPT. Rovic Nelmida ti Santa Municipal Police Station, ti suspek ket drug surrenderee.
Naala iti maysa a gramo ti mapapati a shabu nga aggatad ti P6, 800 a nakaikabil iti dua nga heat sealed transparent plastic sachet.
Dagiti met non-drug evidence a naala manipud iti suspek ket pitaka, crumpled aluminum foil, lighter, dua a piraso ti live ammunitions para ti cal. 7.62 ken tallo a piraso ti live ammunitions para ti cal. 5.56.
Ti suspek ket dagiti naala nga ebidensia ket adda iti kustodiya dagiti pannakabagi ti linteg para ti naan-anay nga imbestigasion ken proper disposition.
