Dead on arrival dagiti nagkalubbon ti motorsiklo kalpasan a nagdinnungpar da iti Wing van truck iti national highway sakupen ti Barangay Ubbog, ili ti Santiago.
Ti nagmaneho ti Isuzu Aluminum Wing Van truck ket agtawen ti uppat a pulo ket tallo, truck driver, residente ti Brgy. Santa Cruz, Pamploona, Cagayan, adda kaduana a dua nga helper.
Dagiti nagkalubbon ti motorsiklo ket agpada a residente ti Barangay Mambug, Santiago, a ti nagmaneho ti lugan ket naka-helmet idinto a ti backrider-na ket awan ti suot-na nga helmet.
Basar iti imbestigasion, ti truck ket agpapa-abagatan a direksion idinto nga daldalyasaten met ti motorsiklo ti bangir a direksion.
Idi madanon da ti nakapasamakan ti insidente, mapapati nga immagaw ti linya ti motorsiklo isu a nagdinnungpar da ti truck.
Pinadas pay ti drayber ti truck a liklikan ti motorsiklo ngem saan a nagballigi isu a nagdinnungpar-da latta.
Nagsagaba ti nakaro a dunor iti agduduma a paset ti bagi dagiti nagkalubbon ti motorsiklo a dagus da a naitaray iti balay pagagasan ngem naideklarar da a dead on arrival.
Saan met a naan-ano ti drayber ti truck ket dagiti kaduana iti napasamak nga insidente.
