--Ads--
Nangikabilen ti seguridad ti Philippine National Police para iti tallo nga aldaw ti 2026 Bar examinations a mapasamak inton Setyembre 6, 9 ken 13 iti agduduma a testing centers iti pagilian.
Segun iti PNP, naan-anay a bilang dagiti pulis ken dadduma pay a resources ti mai-deploy tapno mapagtalinaed ti peace and order iti aglawlaw dagiti examination sites.
Adda kabuklan a 15 a testing centers ita a tawen no sadino 7 idiay Metro Manila, 3 iti sabali pay a paset ti Luzon, 3 idiay Visayas ken 2 iti Mindanao.
Pinasingkedan ni PNP chief Gen. Jose Melencio Nartatez Jr. a makibinbinnulig ti kapulisan kadagiti lokal a gobierno tapno marisut ti posible nga epekto iti trapiko ken road movement kadagiti lugar nga asideg iti testing centers.
-- ADVERTISEMENT --
