--Ads--

Nagbalin a nakappia ti panaglukat ti 49th ASEAN Summit and Related Summits idi kalman, Domingo, Nobiembre 15, 2026.

Segun iti Philippine National Police (PNP), naballigi ti panagsagana ken pannakikammayetda iti nadumaduma nga ahensia tapno masigurado ti seguridad ken naannayas ti isasangpet dagiti delegado sakbay ti kangrunaan a summit ita nga aldaw agingga inton 18.

Dinayaw ni PNP Chief Gen. Jose Melencio Nartatez Jr. dagiti pulis ken kaduana nga ahensia, ngem imbilinna ti nainget a panangbantay, police visibility ken napaspas a panagresponde iti aniaman a pangta.

Naka-full alert status dagiti yunit ti PNP idiay Metro Manila, Region 3 ken Region 4A, kasta payen dagiti yunit a nakabase idiay Camp Crame, tapno masigurado ti kinatalged dagiti amin a makipaset ken ti publiko.

-- ADVERTISEMENT --