Ibilang ni Edilberto Abalos a Schools Division Superintendent – Dagupan City a “one of the best R1AA” ti panag-host iti Candon City, Ilocos Sur gapu iti napintas a panagsaganada para iti event.
Iti pannaki-uman ti Bombo Radyo Vigan ken ni Abalos, pagyamananna iti nabara a panangpasangay iti Local Government Unit iti Candon, Schools Division Office-Candon, probinsia iti Ilocos Sur ken ti pagtaltalinaedanda ita nga isu iti ili ti San Esteban wenno iti San Esteban North Central School ta nasayaat iti panangbantayda kadakuada.
Segun ken ni Abalos, pakabuklan nga 883 a delegates iti naggapu iti SDO – Dagupan City a ti 537 ket athletes, 78 iti coaches, 20 iti assistant coaches, 21 chaperons, 31 DepEd trainer, 22 iti delegation officials, 93 iti working committee, 2 a volunteer trainer, 21 manipod Dagupan City Sports Committee, 9 a Non-DepEd delegates ken 32 a technical officiating team.
Siguradoenna a nakasagana dagiti atletada ita nga R1AA 2026 ta sinaganaanda iti event ken nasayaat iti panangsuportar kadakuada iti City Government of Dagupan.
