--Ads--
Umaboten iti mapatta-patta a $29 billion iti gastos iti US iti agtultuloy a rinnupak kontra iti Iran kas pinasingkedan ti maysa a nangato nga opisyal iti Pentagon.
Dayta ket nangat-ngato iti $4 billion no yarig iti immunan a patta iti pagilian idi napalabas a bulan a $25 billion laeng.
Karaman iti baro a gatad ti gastos iti repair ken panagsukat dagiti alikamen kasta payen ti operational costs iti military.
Saan met a dagus nga inlawlawag ti Pentagon no kasano a nakompleto ti $29 billion a gatad.
-- ADVERTISEMENT --
Immunan a naipakaammo idi Marso nga umabot iti saan a nababbaba iti $11.3 billion ti gastos iti Amerika iti umuna nga innem nga aldaw iti rinnupak nga indauluan ni US. Pres. Donald Trump.
