Nangipila ti petision tapno maaddaan ti piyansa ti kontratista a ni Sara Discaya ken Roma Rimando, executive officer ti St. Timothy Construction para iti kaso a malversation of public funds nga awan ti nairekomenda a piyansa.
Ti St. Timothy Construction ken kukua ni Discaya nga isu ti maikatlo iti listaan ti contractors a naka-bulsa iti binilyon a gatad ti flood control projects ti gobierno.
Kinumpirma ni Atty. Cornelio Samaniego a naipila ti petition for bail iti Lapu-Lapu City Regional Trial Court (RTC).
Maipalagip nga immuna a kinasoan ti Office of the Ombudsman ni Discaya ken dadduma pay ti kaso malversation ken graft nga adda pakainaiganna iti P96.5 milyon a ghost flood control projects idiay Davao Occidental.
Agpada met a nag-plead ti not guilty da Discaya ken Rimando kadagiti kaso kontra kadakuada ket iti agdama, agpada da a nakabalud idiay Lapu-Lapu City Jail.
