Nakasagana iti umabot 4.8 million a Family Food Packs iti sangaribo a warehouse iti intero a pagilian para kadagiti didigra a posible a mapasaran dagiti Pilipino kas iti El Niño ken dagiti bagyo.
Segun ken ni Department of Social Welfare and Development (DSWD) Secretary Rex Gatchalian, dakdakkel a bilang dayta no yarig iti 3 million a naisagana idi napalabas a tawen, idinto a nairekord pay iti kadakkelan a bilang iti stockpile iti pakasaritaan iti departamento.
Kinuna ni Gatchalian a makatawen nga agsagsagana dagiti kamengda iti warehouse kangrunaan iti panag-stock kadagiti family food packs, non-food items, ken nagsanay dagiti local government units (LGU) no ania dagiti rumbeng ken saan a maaramid kadagiti pre-emptive evacuation center, adda man iti didigra wenno awan.
Awan met iti rumbeng a pakadanagan iti expiration date ta tallo a bulan sakbay ti expiration date dagiti family food packs ket maammoanda a dagus babaen iti tulong ti bar coding.
