Nangiruaren iti warrant of arrest ti Sandiganbayan kontra ken ni Senador Jinggoy Estrada gapu iti sangsangwenna a kaso a graft.
Kasaruno daytoy ti pormal a panangipila ti Office of the Ombudsman iti kaso a graft ken plunder kontra iti senador.
Impila ti Ombudsman ti kaso mano a lawas kalpasan a makaawatda iti rekomendasion manipud iti Department of Justice.
Immunan nga insingasing ti DOJ ti panangipila iti kaso a plunder, graft ken bribery kontra ken ni Estrada ken sumagmamano a dati nga opisial ti Department of Public Works and Highways gapu iti anomalya iti flood control project ti gobierno.
Inakusaran ni dati a DPWH assistant district engineer Brice Hernandez ni Estrada iti mapapati a panangmaniobrana iti P355 budget insertions para iti umuna a distrito ti Bulacan kasukat ti 30 percent a komision, banag a pinaglibakan met ti senador.
