Sumangsango ti reklamo a technical malversation, graft ken dadduma pay nga administratibo a kaso ni dati a Budget Secretary Amenah Pangandaman maipanggep iti mapapati nga unconstitutional a panangiyakar iti nasurok P60 billion a sobra a pondo iti Philippine Health Insurance Corporation (PHILHEALTH) ken P107 billion a pondo ti Philippine Deposit Insurance Corporation (PDIC) nga agturong iti national treasury.
Impila ni Dr. Tony Leachon dagiti alegasyon babaen ti Supplemental Verified Complaint/Affidavit a naipila iti Office of the Ombudsman.
Iti reklamo, direkta a nairaman ni Pangandaman iti kaso gapu iti mapapati nga akemna iti panagaprubar wenno panangpalubos dagiti transfer, pakairamanan ti Special Allotment Release Orders (SAROs), Notices of Cash Allocations (NCAs) ken dadduma pay a remittances ifi isuna pay laeng ti secretary iti Department of Budget and Management (DBM).
Innayonna a ti supplemental complaint ket naipila iti interes iti completeness, accuracy, accountability ken substantial justice.
