Pinasingkedan ni Transportation Secretary Giovanni Lopez nga awan ti pondo da a nakailatang para iti fuel subsidy dagiti tsuper ken operator iti salinong ti gakat a 2027 national budget ti Department of Transportation.
Segun ken ni Lopez, nagkiddaw da ti P5 bilyon para iti fuel subsidy ngem saan da nga inraman daytoy ti Department of Budget and Management (DBM) iti National Expenditure Program.
Impaganetget ti opisial a napateg ti nadakamat a pondo tapno adda maaramat ti gobierno kadagiti kellaat a panagngato ti presio ti langis, kas ti mapaspasamak ita a tawen gapu ti tension idiay Middle East.
Iti panagsaludsod ni Senador Christopher Bong Go, Kiniddaw na kada Senate President Sherwin Gatchalian ken Senate Finance Committee Chairman JV Ejercito nga aramidan ti addang para iti request ti DOTr.
