Rinugyanen ti House of Representatives ti plenary deliberations iti gakat a P6.9 trilyon national budget a gagem na a papigsaen ti edukasion, salun-at, trabaho ken dadduma pay.
Iti sponsorship speech ni Appropriations Committee Chairperson Rep. Mikaela Angela Suansing, pinasingkedan na ti transparency ken pannakipaset ti publiko iti proseso ti panangbukel ti budget.
Ituloy met ti Kamara dagiti reporma kas ti Budget Amendments Review Subcommittee, pannakipaset ti civil society groups ken pananglukat iti publiko ti bicameral conference committee proceedings.
Iti umuna nga aldaw, natratar ti gakat a pondo ti Department of Budget and Management ken Department of Economy, Planning and Development, a target a malpas ti plenary budget deliberations inton Setyembre 25, 2026.
