--Ads--
Impasigurado ti Malakanyang a protektaran ni Presidente Ferdinand Marcos Jr. ti gakat a 7.2 trilyon a national budget para iti 2027 kontra iti panagabuso ken korapsion.
Segun iti Malakanyang, nainget a bambantayan ti presidente ken Department of Budget and Management ti panagusar ti pondo tapno masigurado a magunggonaan dagiti Pilipino.
Mabalin pay a sukisoken dagiti agpampanday linteg dagiti gakat a mangbaliw iti budget iti bicameral conference committee deliberations.
Inlawlawagna pay nga adda ti mekanismo ti DBM a for later release, no sadino saan pay laeng a mairruar ti sumagmamano a pondo agingga saan a mapaneknekan a nalinteg ken naan-anay ti pagibasaran ti proyekto.
-- ADVERTISEMENT --
