--Ads--
VIGAN CITY – Sangapulo ket maysa a tattao iti nakemmeg gapu iti panaglabsingda ti Presidential Decree 1602 idiay Brgy. Cabittaogan, Sta Catalina.
Dagiti nakemmeg ket innem a taga-Brgy. Cabittaogan, Sta Catalina a pakairaman ti maysa a Barangay Tanod; maysa a residente ti Brgy. Pantay Laud, Vigan City; maysa a residente ti Brgy. Nanguneg, Narvacan; maysa a residente ti Zone 1, Bantay; maysa a residente ti Brgy. Sinabaan, Sta Catalina; ken maysa a menor de edad.
Nangisayangkat ti Sta Catalina Police Station ti anti-illegal gambling operation iti maysa a natayan, a nagresulta ti pannakakemmeg dagiti suspek nga agay-ayam ti lucky 9.
Nakumpiskar kadakuada ti baraha, ken pusta nga aggatad ti P10,603.
-- ADVERTISEMENT --
