Maysa manipod kadagiti dua a nakemmeg iti nakapyansan gapu iti panagsugalda idiay Barangay San Nicolas, Candon City, Ilocos Sur idi naminsan, June 20, 2026.
Dagiti suspek ket agpapada nga agnaed iti nasao a siudad.
Iti pannaki-uman ti Bombo Radyo Vigan ken ni PLt. Jovelyn Antalan, dagiti dua a suspek ket nakemmeg gapu iti panagay-ayamda iti “Pusoy Dos” iti maysa a natayan kaduada dagiti tallo pay nga indibidual a nakalibas.
Segun ken ni Antalan, dagiti nakalibas ket nabigbig iti kinataoda isu a sangwenda latta ti kaso a panaglabsing ti Presidential Decree 1602 ngem mayuray laeng iti warrant of arrest-da a mairuar ta isu iti pannakakemmegda.
Maipalagip nga apaman a naawat dagiti otoridad ti pakaammo maipanggep iti nasao a panagsusugal dagiti suspek ket inwayatda iti anti-illegal gambling operation a gappuanan ti pannakakemmeg dagiti dua a suspek ket naala kadakuada iti baraha ken pusta nga aggatad iti P8,189.
