Tallo nga indibidual ti nakemmeg iti naisayangkat nga anti-illegal gambling operation idiay Sitio Labut, Barangay Ambulogan, Narvacan, Ilocos Sur.
Dagiti suspek ket agtawen iti uppat a pulo a lalaki, agtawen iti uppat a pulo ket siam a lalaki, ken maysa a babai nga agtawen iti uppat a pulo ket dua.
Iti pannaki-uman ti Bombo Radyo Vigan ken ni PCapt. Jumar Castro iti Narvacan Municipal Police Station, nakaawatda iti pakaammo maipangep iti nasao a panagsusugal dagiti suspek isu a nagrespondeda.
Segun ken ni Castro, naaktoanda dagiti suspek a nagay-ayam iti “Tong-its” iti kataltalonan a paset a likodan iti maysa a pagtaengan.
Naala kadakuada iti maysa a set iti baraha, maysa a kayo a lamisaan, tallo a monobloc chair ken pusta nga aggatad iti P630.
Naammoan a datin nga adda naawat a report dagiti otoridad maipanggep iti panagsusugal dagiti nasao a suspek ngem saanda a maranranaan dagitoy ngem idi naminsan ket naverify a pudno a naglabsingda iti Presidential Decree 1602.
