Nakasaganan ti prosecution panel iti impeachment trial ni Vice President Sara Duterte inton Lunes, July 6, segun ken ni House Lead Prosecutor Atty. Gerville Luistro.
Malaksid dayta, nakasagana payen ti prosekusyon nga isango dagiti ebidensiada ken testigo iti impeachment trial ngem saanda pay laeng nga ipakita iti publiko ta paset daytoy iti legal nga istratehiada.
Kabayatanna, dimmar-ay dagiti miembro ti Prosecution Team iti Mass for Truth, Justice, and Accountability itay agsapa idiay Immaculate Conception Cathedral, Quezon City tapno ikararag ti naurnos ken patas a trial inton Lunes.
Karaman kadagiti dimmar-ay da Atty. Marforth Pua, Batangas 2nd District Rep. Gerville Luistro, ML Party-list Rep. Leila de Lima, San Juan City Rep. Belle Zamora, Atty. Lorna Kapunan, Manila 3rd District Rep. Joel Chua, Iloilo 3rd District Rep. Lorenz Defensor, ken Dinagat Islands Rep. Arlene Bag-ao
