--Ads--
Nangipila ti Sandiganbayan Fourth Division ti not guilty plea para ken ni dati a senador Ramon ‘Bong’ Revilla Jr. kalpasan a nagkedked isuna nga agipila ti plea iti kaso a graft.
Ti kaso ket adda pakainaiganna iti maipagarup a P92.8 milyon ghost flood control projects idiay Pandi, Bulacan.
Pinasingkedan ti kampo ni Revilla, a mapalubosan daytoy iti salinong ti Rules of Court ken nagkedked isuna nga agipila ti plea mainaig iti mosion-da a mangkweskwestion iti legalidad wenno bisa ti impormasion kontra iti dati a senador.
Kabayatanna, nangipila met ti not guilty plea da dati a Department of Public Works and Highways Bulacan First District Engineer Arjay Domasig ken dati nga Accountant Juanito Mendoza.
-- ADVERTISEMENT --
