Kinumpirma ti Senate Legislative Budget Research and Monitoring Office (LBRMO) nga awan ti opisial a dokumento wenno rekord a mangpaneknek a ni Senador Jinggoy Estrada ket nagisayangkat ti insertions wenno amendments iti 2025 national budget mainaig kadagiti proyekto ti Department of Public Works and Highways (DPWH) idiay Bulacan.
Inlawlawag ti LBRMO nga amin nga amendments nga inaprubaran ti plenaryo ket maibilang a manipus iti Senado kas institution ken saan a maikabil iti maysa a partikular a senador.
Ti statement ket rimmuar iti tengnga ti imbestigasion ti Ombudsman mainaig iti maipagarup a kickbacks manipud flood control projects, banag a pinaglibakan ni Estrada.
Pinasingkedan ti senado a manipud idi rugi ti kontrobersiya ket inkalintegan na nga awan ti basaran ken awan ti natibker nga ebidensia dagiti alegasion wenno pammabasol kontra kenkuana.
