Narugianen ti main trial ti malversation case ni dati a Senador Ramon “Bong” Revilla ken dagiti padana nga akusado iti Sandiganbayan itattay.
Ti kaso a non-bailable ket nagtaud iti mapapati a ghost flood control project idiay Pandi, Bulacan nga aggatad iti P92.8 million.
Segun ken ni Associate Justice Ronald Moreno, impalubos ti korte ti mosyon ti prosecution nga i-recall ni Jason Cruz ti records custodian iti DPWH tapno agtestigo.
Kinuna met ni Prosecutor Maria Cristina Marallag-Batacan, ipresentar ni Cruz ti maysa a logbook a naglaon kadagiti napapateg nga ebidensia maipanggep kadagiti proyekto.
Manamnama a mairuar ti resolution iti bail petition ni Revilla inton bigat May 6.
Immunan a pinaglibakan ti dati a senador iti pannakairamanna iti maanomalya a proyekto.
