--Ads--
Nasken a sumango iti maisaysayangkat a preliminary investigation dagiti sumagmamano nga opisial ti gobierno mainaig iti maanomalya a flood control projects.
Kasaruno daytoy iti panag-isyu ti subpoena ti Department of Justice kontra da Senador Jinggoy Estrada, dati a senador Bong Revilla ken dati a Department of Public Works and Highways Secretary Manuel Bonoan.
Segun ken ni Justice spokesperson Atty. Polo Martinez, nasken a tumabuno inton Pebrero 1 ken 12 iti preliminary investigation dagiti nadakamat nga opisial.
Ti reklamo ket impila ti National Bureau of Investigation (NBI) mainaig iti kaso a graft ken plunder. Reynand Fontejon
-- ADVERTISEMENT --
