--Ads--
Ipaiman ti National Bureau of Investigation iti Department of Justice ti decision no kanselarenda ti pasaporte ni Senador Ronald ‘Bato’ Dela Rosa.
Dayta ket iti baet ti agtultuloy a panangsapul dagiti otoridad iti senador ken dati a Philippine National Police a maibilang itan a pugante.
Segun ken ni NBI Director Atty. Melvin Matibag, ti DOJ ti agdesision no kiddawenda a makanselar ti pasaporte ni Dela Rosa.
Immunan a pinasingkedan ti NBI a mangiruarda iti subpoena kadagiti indibidual a naudi a nakapatang ni Bato agraman ti asawana.
-- ADVERTISEMENT --
Kabayatanna, paayaban pay ti Justice Department dagiti sumagmamano a miembro ti media para iti imbestigasionda iti insidente iti pammaltog idi Mayo 13.
