Idurduron ni Sen. Raffy Tulfo a pagbalinen a linteg ti random drug testing kadagiti agdama a nabotosan ken kadagiti nadutokan nga opisyal iti gobierno.
Mangipila ti gakat ti senador kalpasan ti naisayangkat ti mandatory drug testing iti opisina ti senador ket nagnegatibo iti illegal a droga dagiti agpampamday linteg ken limapulo ket lima nga staff-da.
Gagem ti panag-institutionalize ti random drug test a papigsaen ti integridad ken accountability iti gobierno.
Sinigurado ni Tulfo nga inkonsiderarna iti panagipila ti gakat iti Supreme Court ruling a mangidekdeklrar nga unconstitutional ti mandatory drug test isu a para kadagiti agdama nga opisyal laeng iti gobierno ti nasao nga addang.
Karit ti agpampanday linteg a nu awan ti ilemlemmeng ket awan ti rumbeng a pagbutngan iti random drug test kadagiti incumbent officials ta maipanggep dayta iti panangsalwad ti integridad ti institusyon ken tapno siguradoen dagiti lider a pudno nga agserserbida iti publiko.
