Nakitaripnong ni President Ferdinand Marcos Jr. kadagiti top government officials tapno adalen ti 2025 national budget kas pinasingkedan ti Presidential Communications Office.
Kadua ni Marcos iti taripnong ket da Executive Secretary Bersamin, Finance Secretary Ralph Recto, Budget Secretary Amenah Pangandaman, Department of Public Works and Highways Secretary Manuel Bonoan, ken National Economic and Development Authority Secretary Arsenio Balisacan a napasamak idiay Malacañang.
Segun ken ni PCO Secretary Cesar Chavez, saanda pay laeng a nakasagana a mangipakaammo ti detalye inaig iti baro a signing date ken dadduma pay maipanggep ti 2025 national budget ta addanto pay taripnong kadua ti Cabinet members para iti pannaka-finalize iti rekomendasyonda.
Immunan a kinuna ni Bersamin a nakaituding ti panagpirma ti General Appropriations Act inton December 20, ngem naisanud ta masapul pay a nainget a maadal.
