Siguradoen ti Philippine National Police (PNP) iti publiko ti full transparency ken nainget a panangsurot kadagiti legal a proseso bayat nga agtaltalinaed iti PNP General Hospital ni dati a Department of Public Works and Highways (DPWH) Secretary Manuel Bonoan.
Naammoan a naisubli iti ospital iti PNP kalpasan a saan a natuloy ti arraignment-na iti Sandiganbayan gapu ti concern ti doctor iti blood pressure-na.
Segun ken ni PNP Chief General Jose Melencio Nartatez Jr., ipatungpal ti PNP ti court order iti patas ken awan ti pabpaboranda.
Binilinan ti PNP Health Service ken Criminal Investigation and Detection Group (CIDG) a pagtalinaeden ti transparency, paingeten ti seguridad ken siguradoen nga awan ti VIP treatment.
Siguradoen ni Nartatez a kas bilang ma-clear ti medical records ni Bonoan ket iturnoverda met laeng nga insigida iti korte.
