Nadismaya ni Senador Jinggoy Estrada mainaig iti resolusion ti Department of Justice (DOJ) mainaig kadagiti kaso a naipila kontra kenkuana.
Segun ken ni Estrada, daytoy ket saan a nakapappapati a pasamak ken inawagan na daytoy a saan a nainkalintegan aglalo ta nalawag nga impaganetget ti Senate Legislative Budget Research and Monitoring Office (LBRMO) nga awan ti rekord nga isu ken nagiserrek ti aniaman nga insertions iti 2025 national budget.
Dinakamat ti senador a ni mismo Senador Panfilo Lacson ti nangbigbig ti nadakamat a kumpirmasion kas dakkel a paset kadagiti isyu kontra kenkuana.
Inlawlawag ti senador a kidkiddawen ti due process ken hustisia a masapul a panunuten ti amin a mainaig nga ebidensia ken opisial a findings sakbay nga agirruar ti konklusion. Reynand Fontejon
