Nangipila ti ethics complaint ti maysa nga estudyante ti legal management course kontra iti dati a mayorya ti Senado iti panangidaulo ni Senate President Alan Peter Cayetano.
Daytoy ket gapu iti Gross Neglect of Duty ken Violation of the Senate Code of Ethics and Privileges.
Pinasingkedan ti complainant a ni Mark Joseph G. Duque, linabsing ti dati a majority bloc ti Rules of Senate ken dadduma pay a linteg pakairamanan ti 1987 Constitution mainaig iti quorum ti session.
Segun ken ni Duque, dakkel a basol ti kampo ni Senate President Cayetano ti saan da a panagatendar iti session isu a saan a nalukatan idi Hunyo 1 ken 2.
Kiniddaw ti complainant iti Ethics committee ti senado a tignayan a dagus ti reklamo, imbestigaran, ken mangipataw ti maiyannatop a disciplinary sanctions kontra kadagiti respondents.
