--Ads--
Natalek ti Department of Labor and Employment nga agpannuray ti linteg ken maipatungpal latta ti P85 nga inaldaw a nayon iti minimum wage idiay Metro Manila iti baet ti temporary restraining order nga inruar ti Korte.
Segun ken ni Labor Secretary Francis Tolentino, mamati isuna a bigbigen ti korte ti probision ti 1987 Constitution a mangted ti buo a proteksion kadagiti mangmangged.
Maipalagip a nagiruar ti Pasig Regional Trial Court ti TRO idi Hulyo 30 mainaig ti petision ti dua a construction company a nang-kwestion iti Wage Order No. 27 ti Regional Tripartite Wages and Productivity Board.
Inlawlawag ni Tolentino a masapul a bayadan dagiti employer dagiti wage increase a nauror dagiti mangmangged sakbay pay a maaddaan ti bisa ti TRO.
-- ADVERTISEMENT --
