Pinalawa pay ti Department of Labor and Employment (DOLE) ti pannakibinnulig da iti stakeholders tapno papigsaen ti proteksion ken welfare ti platform-based workers, partikular ti delivery ken transport riders.
Daytoy ket babaen iti pannakitinnulong iti gasoline stations ken mall operators tapno maaddaan ti accessible welfare facilities iti baet ti napudot a paniempo ken karit ti El Niño.
Ti nasao nga addang ket mayataday iti direktiba ni Presidente Ferdinand R. Marcos Jr. nga itandudo ti kinatalged dagiti mangmangged.
Kabayatanna, indauloan ni DOLE Secretary Francis N. Tolentino ti taripnong kaduana dagiti mangibagi ti platform companies, gasoline station operators, ken mall operators.
Natratar iti taripnong dagiti praktikal a wagas tapno maikkan dagiti riders ti pasilidad no sadino mabalin da nga aginana ken marisut dagiti kangrunaan a kasapulan bayat a maiur-uray ti bookings.
