Saan nga iserra ni Pres. Ferdinand Marcos Jr. ti posibilidad a maaddaan manen ti pagbaliwan ti gabinetena ita kalpasan iti makatawen nga appointment ban kadagiti kimmandidato ngem saan a napagasatan idi napalabas nga eleksion.
Segun ti presidente, kasapulan iti pagilian iti nalaing ken adu dagiti dati a kimmandidato iti kabaelanna a tumulong iti gobierno.
Kinunana a posible a maaddaan kadagiti baro nga appointment kadagiti sumarsaruno nga aldaw manipod kadagiti dati a kimmandidato ta sayang no saanda a maaramat iti kabaelanda iti serbisyo publiko.
Naudin a naaddaan ti panagbaliw iti gabinete kalpasan a nadutokan ni dati a Senador Francis Tolentino kas secretary ti Department of Labor and Employment (DOLE) kasukat ni Bienvenido Laguesma a nagikkat gapu iti health issue.
Pinaglibakan met ti presidente iti espekulasyion a sukatan ni Department of the Interior and Local Government Secretary Jonvic Remulla ken Inlawlawagna nga awan ti planona nga ikkaten iti puesto.
