Posible a maimbitaran iti Senate Blue Ribbon inton sumaruno a panagdenggeg ni Zaldy Co, kaduana ni Orly Guteza ken dagiti sumagmamano a dati a suldado a maipagarup a nangitulod ti P805 bilyon kickbacks manipud iti maanomalya a flood control projects iti agduduma a personalidad.
Daytoy ket mapasamak ni pormal a maipila iti partial committee report iti flood control scandal.
Pinasingkedan ni Senate President Pro Tempore ken Blue Ribbon Committee chairman Panfilo “Ping” M. Lacson a dagiti testimonia ni Guteza ken dagiti dati a suldado ket ‘interconnected’ ken ni Co.
Impakaammo pay ni Lacson a posible pay nga imbitaran ti panel dagiti dadduma pay a personalidad kas da dati Undersecretary Adrian Bersamin ken dati a Budget Secretary Amenah Pangandaman, no madakamat isuda ni Co iti testimonia-na.
