Nangisayangkat ti aerial inspeksyon ni Pres. Ferdinand Marcos Jr. kadagiti lugar idiay Bulacan ken Pampanga a nalayus pay laeng gapu kadagiti napalabas a bagyo ken habagat.
Naimatangan ti presidente iti kinalawa ti damage iti layos kadagiti sumagmamano nga ili iti dua a probinsia gapu iti panagtudo iti napalabas a tallo a lawas.
Kinita ti presidente ti kalawa ti layos ken kasasaad dagiti umili tapno mabigbig ti kasapulan a panagtignay ken suportar ti gobierno kadagiti apektado a lugar.
Kalpasan ti aerial inspection ket naaddaan ti situation briefing iti Pampanga Provincial Capitol idiay San Fernando City a nangipakaammoan dagiti lokal nga opisial iti presidente ti epekto ti habagat kadagiti umili iti Bulacan ken Pampanga.
Sinigurado ti presidente kadagiti lokal nga opisial ti agtultuloy a tulong ti gobierno pakairamanan ti P10,000 cash assistance iti salinong ti DSWD Assistance to Individuals in Crisis Situation (AICS) program.
