Nangipaay ti Philippine Red Cross (PRC) iti dagup a P7.43-M cash assistance kadagiti 743 a pamilia a naapektaran iti magnitude 7.8 a ginggined sadiay Sarangani ken Davao Occidental.
Idiay Malapatan, Sarangani, 323 a pamilia ti nakaawat iti sag-P10,000 nga agdagup iti P3.23-M, idinto a P4.2-Mti naiwaras iti 420 a pamilia sadiay Jose Abad Santos, Davao Occidental.
Babaen ti tulong ti International Federation of Red Cross and Red Crescent Societies (IFRC), nangituding ti PRC iti 47 nga empleado ken boluntario a mangimaton iti pannakaiwaras ti pinansial a tulong para kadagiti kangrunaan a kasapulan dagiti biktima.
Segun kenni PRC Chairman ken CEO Richard J. Gordon, panggep ti cash assistance ket tapno maikkan dagiti pamilia iti wayawaya a mangpili kadagiti kasapulanda bayat ti panagimbagda manipud iti epekto ti ginggined.
