--Ads--
Sumagmamano a religious group ti nagprotesta iti sango ti Sandiganbayan itay Mierkules, Agosto 26, tapno kiddawenda ti pannakaibalud manen ni dati a Senador Bong Revilla.
Segun kadagiti grupo, mapukpukawen ti pammati ti publiko iti sistema ti hustisia gapu ta mapalubosan nga agpiyansa ti dadduma a politiko a sumangsango iti non-bailable charges.
Pagamkanda pay a mabalin nga ipaay ti korte ti piyansa da Senador Rondate Marcoleta, Jinggoy Estrada, ken dati nga agpampanday-linteg a ni Mike Defensor.
Maipalagip a pinalubosan dagiti dua a mahistrado ni Revilla nga agpiyansa iti P1 million mainaig iti kaso ti malversation a mainaig kadagiti maipagarup nga anomalous flood control projects. Kleofe Jyna Dayag
-- ADVERTISEMENT --
