Marugian inton Setyembre 3 ti bail hearing ni Senador Rodante Marcoleta, dati a Congressman Mike Defensor, ken dagiti dua a businessmen nga agpada nga akusado iti kaso a plunder mainaig iti P75 million a campaign donation.
Dayta ket kalpasan a ma-terminate iti Sandiganbayan 3rd Division ita a Biernes, August 14 ti naka-schedule a pretrial, ta kinissayan ti prosekusyon ti bilang dagiti witness-da.
Gapu dayta, manipud iti 12 a witness ket agbalin a walo a witness laengen ti iparang ti prosekusyon kadagiti maiwayat a bail hearing.
Mapasarunwan ti nasao nga schedule inton September 7, 10, 14, 17, 21, 24, 28, ken October 1.
Inlawlawag met ti korte a masapul a paneknekan ti prosekusyon iti bail hearing no natibker wenno napigsa ti iggemda nga ebidensia kontra kadagiti akusado para iti kaso a plunder.
