Maibalud iti 350 a tawen ti negosiante a ni Janet Lim Napoles kalpasan a sinentensian a guilty ti Sandiganbayan ken napatawan ti nadagsen a pannusa mainaig iti P50 milyon a ghosts projects idiay Luzon.
Ni Napoles ket nasentensian ti 20 a tawen a pannakaibalud iti tunggal bilang ti kaso a malversation wenno kabuklan a 200 a tawen iti sangapulo a bilang ken 15 a tawen a pannakaibalud iti tunggal bilang ti kaso a graft wenno kabuklan a 150 a tawen iti sangapulo a bilang.
Kadua na nasentensian ni dati a Department of Agrarian Reform (DAR) Undersecretary Jerry Pacturan a guilty iti 10 counts ti malversation of public funds through falsification of public documents.
Segun iti prosekusyon, ni Pacturan, idi ket DAR Undersecretary for Support Services nga isu ti nang-pirma iti 2011 memorandum of agreement iti nagbaetan ti 10 local government units ken 10 non-government organizations a maipagarup a konektado ken ni Napoles.
