Pinasingkedan ni Senator Kiko Pangilinan a masapul nga agbalin a transparent ti Department of Agrarian Reform wenno DAR iti panangammo ken panangipaay dagiti benepisio kadagiti agrarian reform beneficiary, aglalo ta binilyon a kuwarto ti kidkidawen ti ahensia para iti 2027.
Iti panagdengngeg ti Senate Committee on Finance iti gakat a budget ti DAR, pinasingkedan ni Pangilinan a masapul a nadaras a ma-verify ti publiko dagiti benepisiaryo, proyekto, pasilidad ken negosio a supsuportaraon ti ahensia.
Karaman iti panawagan ti senador ti panangikabil ti geotag kadagiti proyekto, panaglukat iti publiko dagiti kontrata ken procurement documents, independent inspection ken panagiruar ti impormasion a mangpaneknek nga aktuwal a mabalin dagiti proyekto a pinondoan ti gobierno.
Segun ken ni Pangilinan, napateg dagituy a mekanismo tapno masigurado a ti tunggal piso a nailatang para iti agrikultura ket adda nalawag a resulta ken mapan kadagiti mannalon.
Iti gakat a 2027 budget, nagkiddaw ti DAR ti P14.69 bilyon, 13 percent a nababbaba kumpara iti alokasion iti 2026 national budget.
