Kitkitaenen ti Malakanyang no ania kadagiti 13, 917 a flood control projects a naisayangkat idi napalabas nga administrasion ti saan a nagbalin nga epektibo iti pananglapped ti layus.
Sungbat daytoy ni Palace Press Officer Atty. Claire Castro mainaig no addan ti assessment ti Malakanyang kadagiti flood control projects a saan nga agbalin kasaruno ti nalawa a panaglayus a mapadpadasan iti Metro Manila.
Segun ken ni Castro, ur-urayen da ti damag ken datos manipud iti DPWH no ayan dagiti proyekto, no mabalin dagituy ken no adda dagiti ghost ken substandard projects.
Dinakamat ti opisial ti Sunog Apog pumping station kas maysa a proyekto a dati a saan a nasayaat ti pannaka-aramid na ngem nasimpa ken nagbalin kalpasan ti intervention ken panagsimpa.
