Pinasingkedan ni House Prosecution ken Bicol Saro Party-list Rep. Terry Ridon a nasaysayaat nga imbestigaran ti Office of the Ombudsman ti posible a malversation iti madi a panagaramat ti confidential funds ni Vice President Sara Duterte.
Segun ken ni Ridon, posible nga adda malversation a naaramid ni VP Sara kasta payen ti security officer-na a ni Col. Raymund Dante Lachica ken Office of the Vice President OVP Special Disbursing Officer Gina Acosta.
Panawagan dayta ni Ridon kalpasan a nakitaan ti pattern ti namin-ano a daras a panag-withdraw iti Office of the Vice President iti sag-P125 million a confidential funds.
Impaganetget ni Ridon a kwestyunable pay ti nagaramatan kas ti renta ken maintenance iti safe house nga umabot iti P16 million idi 2022 kasta payen idi 1st ken 2nd quarter iti 2023.
